Ein gweledigaeth strategol

Byddwn yn cryfhau ein gwasanaethau cwnsela yn ein meysydd darparu gwasanaeth presennol, ac yn sicrhau bod pobl ifanc yn gallu cael mynediad at gymorth cwnsela mewn ffordd sy’n addas i’w hanghenion ac nid yn unig drwy eu hysgolion.

Byddwn yn gwneud hyn drwy:

• Hyrwyddo’r defnydd o leoliadau cymunedol a chwnsela ar-lein yn lle cael eu gweld ar dir ysgol
• Cyhoeddi deunydd marchnata ar gyfer ein gwasanaethau mewn lleoliadau y tu allan i’r ysgol
• Gweithio’n agos gyda grwpiau cymunedol i annog pobl ifanc i estyn allan i’n gwasanaeth cwnsela
• Parhau i hysbysu ein pobl ifanc, sy’n defnyddio ein mannau diogel, y gallant gael mynediad at gwnsela yn Depot neu ar-lein gydag Area 43

Byddwn yn cryfhau ac yn sefydlu partneriaethau sy’n annog gwir gydweithio a chydgynhyrchu traws-sector er mwyn cryfhau gwasanaethau i bobl ifanc.

Byddwn yn gwneud hyn drwy:

• Nodi’r rhai y mae eu cenhadaeth, gweledigaeth a gwerthoedd yn cyd-fynd â’n rhai ni
• Parhau i fynnu bod pob partneriaeth yn cytuno i addewid a benderfynir gan bobl ifanc, a dangos eu hymrwymiad i bartneriaethau ystyrlon a arweinir gan bobl ifanc

Byddwn yn gweithio gydag S3 a'r boblogaeth ifanc ehangach i adeiladu 3 rhwydwaith o safleoedd saff ar draws Ceredigion.

Byddwn yn cyflawni hyn drwy wneud y canlynol:

• Cryfhau ein darpariaeth bresennol o safleoedd saff yn Aberteifi (Depot) a Llyw a Byw (Ceredigion gyfan), a meithrin ein hethos staff adfyfyriol fel ein bod yn parhau i ddysgu a datblygu
• Nodi partneriaethau newydd a arweinir gan bobl ifanc a all ddylunio a darparu safleoedd saff newydd ar y cyd â phobl ifanc, mewn ardaloedd eraill yn y sir
• Hwyluso gwobrau Ardystio Safleoedd Saff a Gwasanaeth Saff S3, fel y gall sefydliadau eraill gryfhau eu mannau/gwasanaethau diogel presennol yn unol â’r argymhellion a’r gofynion a osodwyd gan bobl ifanc
• Annog cydweithredu a chyfathrebu traws-sector trwy hyrwyddo ein gwasanaethau yn y Bwrdd Gwasanaethau Cyhoeddus a grwpiau llywio lleol

Byddwn yn grymuso ac yn cryfhau lleisiau'r ieuenctid er mwyn gwneud newid.

Byddwn yn gwneud hyn fesul y canlynol:

• Datblygu gwaith ymgyrchu i amlygu’r materion sy’n effeithio ar bobl ifanc fel y’u diffinnir ganddyn nhw
• Defnyddio ein pecynnau cymorth newydd i ddylanwadu ar eraill
• Darparu cyfleoedd i bobl ifanc addysgu eraill
• Darparu cyfleoedd i bobl ifanc ddysgu am faterion sydd o bwys iddyn nhw
• Darparu safleoedd saff i bobl ifanc i siarad, cyfarfod â phobl o’r un anian a chydweithio â’i gilydd i wneud newid
• Defnyddio ein platfform i gryfhau eu lleisiau a rhoi cyfle iddyn nhw siarad â’r rhai sydd mewn grym

Byddwn yn defnyddio ein gwybodaeth a'n harbenigedd i ddylanwadu ar newid systemig.

Byddwn yn gwneud hyn fesul y canlynol:

• Datblygu gwasanaeth ymgynghori a rheoli
• Creu pecynnau cymorth y gellir eu rhannu ag eraill:
  Pecyn Cymorth: Arweinir gan bobl ifanc
  Pecyn Cymorth: Safleoedd Saff
  Pecyn Cymorth: Gweithio mewn Partneriaeth

Bydd hynny’n:

• Defnyddio sylfaen dystiolaeth greadigol, effeithiol a gweledol sy’n dangos y gwahaniaeth gwirioneddol y mae ein gwasanaethau’n ei wneud i’r bobl ifanc rydym yn eu cefnogi
• Defnyddio gwybodaeth ansoddol a meintiol y gall pobl ifanc ei defnyddio wrth ddylunio, llunio, darparu a lobïo am wasanaethau
• Golygu bod yn agored ac yn onest am ein rhwystrau a’n llwyddiannau
• Rhannu ein profiadau o reoli, datblygu, llywodraethu, ymwneud â pholisiau a phrosesau

Byddwn yn sefydlu gwasanaeth hyfforddi a fydd yn addysgu eraill am ddarpariaeth ystyrlon i bobl ifanc, cymorth o safon mewn safleoedd saff, datblygu gwasanaethau a manteision newid wrth ddarparu gwasanaethau.

Byddwn yn gwneud hyn drwy:

• Adeiladu rhwydwaith o sefydliadau sy’n rhannu’r un ethos a gweledigaeth ag Area 43 a nodi
  y rhai a all fod angen hyfforddiant pellach
• Hyrwyddo ein gwasanaethau a’n harbenigedd trwy fforymau cyhoeddus a’r cyfryngau
• Estyn allan i sefydliadau eraill, a fydd yn cynnwys ar lawr gwlad, sydd angen cefnogaeth i adeiladu tîm cymorth effeithiol a chynnal safle saff yn seiliedig ar ein model
• Rymuso ein staff i fod y gweithwyr cymorth gorau y gallan nhw fod, fel eu bod yn hyderus i’r lefel o allu rhannu eu gwybodaeth ag eraill
• Ddefnyddio ein pecyn cymorth i addysgu eraill
• Adeiladu ar ein llawlyfr gweithwyr cymorth, a fydd yn llywio sail ein holl hyfforddiant ac y gellir ei ddosbarthu i bob gweithiwr cymorth ieuenctid ar raddfa genedlaethol