Safleoedd Saff

depot

BETH YW DEPOT?

Mae Depot yn safle saff i unrhyw un 14-25 oed, ar agor 5 diwrnod yr wythnos o 1-7pm, ar y stryd fawr yn Aberteifi. Mae Depot hefyd yn agor ei ddrysau i bobl ifanc 11-13 oed ar foreau Sadwrn, fel y gallant gael mynediad cynharach at gymorth gennym ni.

@depotyouthcafe

ORIAU AGOR

Dydd Mawrth – Dydd Gwener: 1PM -7PM
Dydd Sadwrn 11AM – 7PM
Dydd Llun & Dydd Sul: ar gau

Depot

Pethau i wybod am Depot

Mae’n fynediad hollol agored, sy’n golygu y gallu gerdded i mewn – does dim angen cofrestru nac atgyfeiriadau, a’r unig ofyniad yw dy fod yr oedran cywir!

Mae Depot yn cael ei redeg gan bobl ifanc, ar gyfer pobl ifanc. Cynlluniwyd popeth gyda mewnbwn gan bobl fel ti, ac mae tîm o Weithwyr Cymorth Ieuenctid yno i helpu gydag unrhyw faterion y gallet fod yn eu hwynebu. Boed yn gyngor, cefnogaeth, neu ddim ond rhywun i siarad â nhw, byddan nhw yno i ti. Efallai y byddi hefyd am ddefnyddio’r safle fel man i ymlacio, ond rydym hefyd yn cynnal gweithgareddau sy’n canolbwyntio ar iechyd meddwl a llesiant, fel ffitrwydd, newyddiadura, ymwybyddiaeth ofalgar, neu sgyrsiau grŵp am berthnasoedd, ymddygiad, ac unrhyw bynciau eraill sy’n codi. Hefyd, os wyt ti’n newynog, gallu cael rhywfaint o fwyd a diodydd naill ai am ddim neu am gost isel. Mae’r holl wasanaethau eraill am ddim.

Cynllun Hyfforddiant a Chyflogaeth

O ystyried natur twristiaeth ein heconomi, creodd Area 43 raglen leoli a oedd yn caniatáu i bobl ifanc ddysgu mewn amgylchedd byw, ond saff, gyda’r lefelau dwys o gymorth sydd eu hangen i oresgyn rhwystrau i gyflogaeth.

Yn ystod eu hamser gyda ni, mae pobl ifanc yn magu cryfder, y sgiliau cyfathrebu, yn goresgyn gorbryder wrth ddelio â chwsmeriaid ac yn mynd i’r afael â’u holl anghenion cymorth unigol i allu cael cyflogaeth ystyrlon. Mae modd gweld beth sydd gan y bobl ifanc i’w ddweud am eu profiadau yn eu flogs, ac os yw’r cymorth hwn yn rhywbeth y byddet yn elwa ohono, cysyllta â ni!

Dysgu mwy

Ein safleoedd saff

1,000 o ymweliadau'r mis

Mae ein canolfannau yma i ti, yn dy helpu i wynebu unrhyw broblemau neu anawsterau sy’n codi. Mae Depot yn ganolbwynt yn yr ardal, ac nid oes angen atgyfeiriad arnot i gael mynediad ato, er weithiau gallai gwasanaethau eraill dy atgyfeirio atom. Gyda dros 1,000 o ymweliadau bob mis, mae Depot yn fan lle mae’r rhan fwyaf o bobl ifanc y dref yn cymdeithasu. Dere draw i weld dros dy hunan!

Angen help i ddod o hyd i swydd? Mae Depot yn gallu helpu gyda hynny hefyd. Gall helpu gyda chymorth cyflogaeth a lleoliadau. Dere o hyd i fwy o wybodaeth yma:

Dysgu mwy

Cwrdd â Maisy

Dyweda 'Hi' wrth Maisy, ein ci therapi

Mae Maisy yn hoffi caws, selsig, a llwyth o fwythau. Hi fydd dy ffrind gorau pan fyddi di’n teimlo’n isel. Mae’n gi bach gwallgof pan fydd hi am chwarae. Depot yw parth Maisy, ac mae pawb yn gwybod hynny – gwnan siŵr dy fod yn dweud helo wrthi pan fyddi di’n galw heibio, mae hi wrth ei bodd â’r sylw!